“НҮҮДЭЛЧИН МОНГОЛ-2022” СОЁЛЫН БИЕТ БУС

ӨВИЙН ИХ НААДАМ

    2022.08.12-14                                                                                         

Монгол улсын Соёлын яам, Нийслэлийн Соёл урлагийн газар, Соёлын өвийн Үндэсний төвөөс зохион байгуулсан “Нүүдэлчин Монгол-2022” дэлхийн соёлын фестиваль 2022 оны 08 сарын 12-14-ний өдрүүдэд Улаанбаатар хот, Горхи-Тэрэлжийн үзэсгэлэнт газар зохион байгуулагдлаа.

Энэхүү наадамд Дорноговь аймгийн Засаг даргын Тамгын газар, Соёл урлагийн газар, Музей сургалт судалгааны төв, “Саран хөхөө” театр хамтран, Ерөнхий найруулагч МУСТА Х.Болдбаатар, туслах найруулагч МУСТА А.Баярсайхан нарын удирдлаган дор говь нутгийнхаа өв соёлыг дэлгэн үзүүлж, ГУТГААР байранд шалгаран, 50,000,000 төгрөгийн эзэд боллоо.

• Шилдэг ахмад өвлөн уламжлагчаар Сайншанд сумаас оролцогч Н.Лантуу – Батламж, 500,000 төгрөгөөр,
• Уламжлалт баяр ёслол, зан үйл, тоглоом наадгай, уриа дуудлага ай савын шилдэг өвлөн уламжлагчаар Дэлгэрэх сумаас оролцогч С.Сэрээтэр “Малын уриа дуудлага” төрөлд хонь тойглох өвөөр шалгарч – Батламж, 1,000,000 төгрөгөөр,
• Шилдэг гар урлалын үзэсгэлэнгийн баг хамт олноор Дорноговь аймгийн гар урлалын үзэсгэлэн шалгарч – Батламж, 1,000,000 төгрөгөөр,

нийт 636 нийлбэр оноогоор Дорноговь аймаг ГУТГААР байр эзэлсэн бахдам амжилтыг үзүүллээ.

Соёлын биет бус өвийг түгээн дэлгэрүүлж буй шавь сургалтын 5 багш, 5 суралцагч, соёлын бүтээлч үйлдвэрлэгчид, Дорноговь аймгийн тогоочдын холбоо болон соёлын биет бус өвийн 7 ай савын 55 төрлөөр нийт 61 өвлөн уламжлагч, 27 зохион байгуулагчид нийт 88 хүний бүрэлдэхүүнтэйгээр, төлтэй таван хошуу малаа ачин очиж, 4 гэрээ сүндэрлүүлж, хэлхээ тоонотой гэр, тэрэг ачаагаа тохижуулж, гар урлалын 50 гаруй бүтээлийг дэглэн оролцлоо.

Монгол улсаас ЮНЕСКО-гийн “Хүн төрөлхтний соёлын биет бус өвийн төлөөллийн жагсаалт”-д бүртгэгдсэн 8 өвөөс уртын дуу, монгол гэрийн уламжлалт урлал, морин хуур, монгол наадам, хөөмэй, шагайн харваа зэрэг 6 өвийг, “Яаралтай хамгаалах шаардлагатай соёлын биет бус өвийн жагсаалт”-д бүртгэгдсэн 7 өвөөс монгол уран бичлэг, ингэнд ботго авахуулах зан үйл /ингэ хөөслөх/, монгол уртын дуу лимбэдэх уламжлалт арга-битүү амьсгаа, цуур зэрэг 4 өвийг үзүүлэн дэглэж, нутаг орондоо түгээн дэлгэрүүлж байгаагаа сурталчлан таниуллаа.